Kemalîstên Tirk pirtûka Xameneyî çap kirin

PeyamaKurd - Li Rojhilata Navîn ji bo gelek dewlet û grûbên çepgir dijberiya Amerîkayê û dijminiya Kurdan beriya her tiştî ye.

Koma Kemalîst û Ergenekonparêz ku baskê herî tund ê Tirkên Tirkiyeyê ye û di bin pêşengiya Dogu Perînçek de ye pirtûkekek bi navê "Rastiya Îranê" çap kir.

Pirtûk ji axaftinên Serokê Îranê Elî Xameneyî pêk tê û ji Weşanxaneya Kaynakê hatiye weşandin.

Li Rojhilata Navîn alîgiriya Esed û dijberiya Amerîkayê û Kurdan haveynê van hêzan di nav sitîlekê de meyand.

Aliyê balkêş ew e ku yek ji van kiyanan Xwedênenas û nijadperestên Tirk in, aliyê din jî şerîetparêzên Şiî û tundtirîn dînparêz in. 

Lê belê ev hêz di dijberiya Kurdan de li Rojhilata Navîn gihîştine hev. Ev zihniyet îro dewleta Tirkiyê jî birêve dibe.