Macron, bang li NATOyê kir: Hêza xwe bi pês bixe

PeyamaKurd- Serokomarê Fransayê Emmanuel Macron diyar kir ku divê Ewropa di nav NATOyê de roleke bi biryartir bigire ser milên xwe û divê NATO jî hêza xwe ya berevaniyê bi pêş bixe.

Emmanuel Macron, piştî Konferansa Hevkarî û Hevpariya Bexdayê ku li Urdunê hat lidarxistin, di dema vegera Fransayê de di balafira serokomariyê de nirxandinên giştî kirin û pirsên rojnamevanan bersivandin.

Serokomarê Fransayê Macron anî zimên ku Ewropayeke bihêztir, bêyî ku bi tifaqê ve girêdayî be, dikare di nav NATO'yê de tevbigere û got,

 "Tifaq ne tiştekî ku ez pê ve girêdayî bim, tiştekî ku divê ez hilbijêrim û pê re bixebitim. Divê em xweseriya xwe ya stratejîk ji nû ve bifikirin."

Macron da zanîn ku divê Ewropa hêza xwe ya parastinê ya serbixwe ji Amerîkayê bi pêştir bixe û di vê çarçoveyê de di nav NATOyê de roleke bi biryartir bigire ser milên xwe û got,

“Divê Ewropa di warê teknolojî û hêza parastinê de bêhtir serbixwe bibe.”

Serokomarê Fransayê bi berdewamî got ku ew hewildana Ewropayê ji bo pêşvebirina kapasîteya xwe ya berevaniyê, wekî vebijêrkek ji NATOyê nabîne.