WSJ: Amerîka difikire ku hêzên ji Afganistinê bikisîne li sînorên Rûsya bicih bike

PeyamaKurd – Hat îdiakirin ku wê Amerîka hêzên xwe yên ku ji nav Afganistanê vedikişîne, li sînorên Rûsyayê bicih bike.

Li gorî ragihandina rojanmeya Amerîkî Wall Street Journal (WSJ) ku dispêre çavkaniyên xwe, rêveberiya Amerîka ji bo hêzên xwe yên ji Afganistanê vedikişîne cihên nû difikire ku wan hêzan bişîne Ozbekistan û Tacikistanê ku wekî sînorên xwezayî yên Rûsyayê bi Afganistanê re têne zanîn.

WSJê diyar kiriye ku hêja rêveberiya Amerîkayê ji bo şandina hêzan û avakirina baregehan li wan welatan ti serlêdanek nekiriye û niha Wezareta Berevaniya Amerîka (Pentagon) gotûbêjan li ser başî û nebaşiya vê planê dike.