Normalîzekirina têkiliyên bi Îsraîlê re li Iraqê alozî çêkir

PeyamaKurd – Patrîkê Keldanî yê Iraqê Luis Rafael Sako, di çalakiyek Noelê de li Bexdayê ku Serokwezîr Mihemed Şîa el-Sudanî jî beşdar bû, axivî û diyar kir ku divê normalîzekirina têkiliyên bi Îsraîlê re li Iraqê dest pê bike.

Serokwezîr Sudani, dema ku li ser kursiyê derket, bertek nîşanî gotinên Sako da û got, "Em li Iraqê ne hewceyî normalîzekirinê ne (bi Îsraîlê re). Peyva 'normalîzekirin' di ferhenga Iraqê de tune ye ji ber ku ew bi rejîma Siyonîst re hevwate ye."

Serokê Tevgera Neteweyî ya Şîeyan Muqteda el-Sedr jî bertek nîşanî gotinên Patrîkê Keldanî da û got, "Normalîzekirin li gorî qanûnên Iraqê sûc e û cezayên sûc lê tên birîn. Kesê ku, çi dibe bila bibe, teşwîq dike an jî daxwaza normalîzekirinê dike, ji cezayê azad nîne."