Pompeo û Haley ne di nav ekîba nû ya Trump de ne

PeyamaKurd – Donald Trumpê ku wek 47emîn Serokomarê Amerîkayê hat hilbijartin, ragihand ku ew ê Wezîrê Karên Derve yê berê Mike Pompeo û Nûnera Daîmî ya berê ya Neteweyên Yekbûyî (NY) Nikki Haley di ekîba xwe ya nû de tayîn nekin.

Trump ji hesabê xwe yê medyaya civakî Truth Socialê de peyamek parve kir.

Trump got, "Ez balyoza berê Nikki Haley û Wezîrê Karên Derve Mike Pompeo venaxwînim rêveberiya nû ya ku niha ava dibe."

Trump ji ber xizmeta wan a berê spasiya Haley û Pompeo kir.

Haley ku di pêşbirkê de li dijî Trump derket pêşbirkê, piştî ku xwe ji pêşbirkê vekişand piştgirî da Trump.

Haley di navbera salên 2017 û 2018an de Nûnera Daîmî ya DYAyê ya li Neteweyên Yekbûyî bû.

Ji aliyê din ve Pompeo di serdema yekem a serokatiya Trump de di navbera salên 2017-2018an de Midûrê Saziya Îstixbarata Navendî (CIA) û di navbera salên 2018-2021an de jî Wezîrê Karên Derve bû.