Putin, ji bo karesatên xwezayî gaveke girîng havêt!

PeyamaKurd- Ji Kremlînê daxuyaniyek hat dayîn ku Serokê Dewleta Rusyayê Vladimir Putin, ferman daye hikûmeta Rusyayê ku bi berdewamî herêmên erdhejê yên li welêt bişopîne. 

Di daxuyaniya ku ji aliyê Kremlînê ve hat dayîn de hat xwestin ku heta meha tebaxê, raporta pêwîst a têkildarî mijarê bê amadekirin.

Hat ragihandin ku Putin ferman daye hikûmeta Rusyayê ku ji bo lêkolîna bûyerên xwezayî yên xeternak ên li Rusyayê tedbîran bi pêş bixe û bi cih bîne û her tim rewşa herêmên erdhejê bişopîne.

Her wiha hat diyarkirin ku kargehên ku di warê maden û pîşesaziya masiyan de dixebitin û saziyên dewletê dikarin tevlî vê pêvajoyê bibin û hat gotin ku projeyên ku ji bo kêmkirina xetereyên bûyerên xwezayî û kêmkirina encamên bûyerên xwezayî yên li ser Nîvgirava Kamçatka û Girava Sakhalîn jî hatin xwestin.