Qeter geştên xwe yên bo Hewlêrê dide destpêkirin

PeyamaKurd - Kompaniya Hêla Asmanî ya Qeterê (Qatar Airways) di daxuyaniyekê de ragihand ku ew ê roja Şemiyê, 8ê Tebaxa 2026an geştên xwe yên asmanî yên bo balafirxaneyên navneteweyî yên Hewlêr, Behreyn û Kuweytê bi awayekî asayî ji nû ve dest pê bikin.

Balafirxaneya Navneteweyî ya Hewlêrê yek ji rawestgehên herî çalak û girîng ên Iraqê û herêmê ye; lewma destpêkirina van geştan di vê dîrokê de dê ji bo vejandina astê çûnûhatina asmanî û sektora geştyariyê ya li Herêma Kurdistanê bibe alîkariyeke mezin.

Ev biryara nû piştî wê yekê hat ku kompaniyê di 24ê Tîrmeha 2026an de ji ber geşedan û rewşa ewlehiyê ya herêmê hemû geştên xwe yên bo Hewlêr, Behreyn û Kuweytê heta 31ê Tîrmehê rawestandibûn.

Bi başbûna mercên çûnûhatinê re, aliyê Qeterê biryar da ku asmanê xwe ji bo van her sê xetên stratejîk ji nû ve veke û geştên xwe bixe xizmeta geştyar û rêwiyan.