Rêxistina Boko Haramê êrîşê leşkeran kir: 23 leşker mirin

PeyamaKurd – Li welatê Çadê li devera Gola Çadê li girava Barka Toloromê, rêxistina Boko Haramê êrîşê ser leşkeran kir û di encamê de 23 leşkeran kuştin û 26 leşker birîndar bûn.

Serokerkaniya Çadê êrîşa Boko Haramê ya ser leşkeran ragihand û got ku di şer de gelek endamên Boko Haramê mirine, 23 leşker mirine û 26 leşker birîndar bûne.

Serokkomarê Çadê Muhammed İdris Debi İtno jî ragihand ku wê xwîna wan leşkerên fîdakar belaş neçe. İtno ji bo malbatên leşkerans ersaiyê xwest û ji bo birîndaran jî şîfayê xwest û got:

“Çad, li dijî barbariyê li ser piyaye, yekîtiya Çadê heye û biryardar e.”.

Boko Haram ji salên 2000an de li Nîjeryayê hebûna xwe diyar dike û ji sala 2015an heya niha li devera Nahêlê an ku Çad, Nîjer û Kamerûnê êrîşan dike.