Scott Bessent: Rejîma Îranê ketiye şoka têkçûnê

PeyamaKurd - Wezîrê Xezîneyê yê Dewletên Yekbûyî yên Amerîkayê (DYA) Scott Bessent di civîna rojnamevanî ya li bajarê Asheville ku di çarçoveya civîna G20an de hate lidarxistin de ragihand ku rejîma Îranê ketiye şoka têkçûna aboriya xwe.

Bessent got ku êrîşên leşkerî yên vê dawiyê yên Tehranê ji bo nixumandina têkçûna wê ya aborî ne û da xuyakirin ku rêberiya Îranê mezinahiya xetereya dorpêç û cezayên aborî fêm kiriye.

Wezîrê Amerîkî bal kişand ser krîza sotemeniyê ya li Îranê û diyar kir ku welatekî ku xwediyê sêyemîn çavkaniya mezin a enerjiyê ye li cîhanê, ji ber dorpêçan neçar dimîne benzînê bîne û welatî di dorên dirêj de disekinin.

Bessent tekez kir ku dorpêça deryayî û fişara darayî ya Washingtonê dê çend hefte yan mehan berdewam bike da ku Tehran ji van kirinên leşkerî vegere û ji bo piştevaniya aborî spasiya Yekîtiya Ewropayê kir.