SOMOyê amarên nû yên petrola Iraqê eşkere kir

PeyamaKurd - Kompaniya Firotina Nefta Îraqê (SOMO) agahiyên îxracata nefta xav û dahata mehên Gulan û Hezîranê ji bo raya giştî eşkere kir.

Li gorî van daneyan, Îraqê di nava van du mehan de bi giştî 32 milyon û 114 hezar û 677 bermîl nefta xav îxrac kiriye.

Hat ragihandin ku ji vê firotinê 2 milyar û 335 milyon û 537 hezar û 399 dolar dahat hatî bidestxistin.

Di dabeşkirina herêmî de hat destnîşankirin ku 20 milyon û 238 hezar û 896 bermîl nefta Basrayê, ji ser bendera Ceyhanê 1 milyon û 564 hezar û 625 bermîl nefta Herêma Kurdistanê û 10 milyon û 311 hezar û 216 bermîl nefta Kerkûkê hatine şandin; hemû ev amar ji bo şopandina aborî di arşîvê de hatin tomarkirin.

Ev agahiyên nû nîşan didin ku piştî pirsgirêk û astengiyên lojîstîkî yên berê, xebata firotina petrolê dîsa ber bi başbûnê ve çûye.

Pisporên aboriyê teqez dikin ku ev zêdebûn dê dahata giştî ya Îraqê bihêz bike û îstiqrara aborî biparêze.