Teqînek li kargeheke fîşekên agir li Çînê: Gelek mirî û birîndar hene!

PeyamaKurd - Raporên hatine belavkirin diyar dikin ku teqînek li kargeheke fîşekên agir li parêzgeha Hunan, li başûrê Çînê, bûye sedema mirina 21 kesan û birîndarbûna 61 kesan.

Li gorî Xinhua, teqîn doh êvarê dereng li kargeha fîşekên agir li Wîlayeta Liuyang, bajarê Changsha, paytexta parêzgehê qewimî.

Daîreya Rêveberiya Awarte ya herêmî ragihand ku di teqînê de 21 karker mirine û 61 jî birîndar bûne.

Tîmên agirkujiyê û yên awarte şandin herêmê û operasyonên lêgerîn û rizgarkirinê berdewam dikin.

Banga Serok Xi

Serokê Çînê Xi Jinping banga seferberkirina hewldanên lêgerîn û rizgarkirinê û lêpirsînek bilez a bûyerê kir da ku ji berpirsiyara hesap were xwestin.

Xi tekez kir ku divê hemî hikûmetên herêmî û yekîneyên têkildar ji qezayê dersan derxin û tedbîrên ewlehiyê yên cihê kar zêde bikin û talîmat da ku çavdêrî û kontrola rîskê di sektorên sereke de were xurtkirin.