Trump: Ez ê ji bo hilbijartinên 2028an dîsa bibim namzed

PeyamaKurd - Serokê Amerîkayê Donald Trump eşkere kir ku ew amadekariyan dike di hilbijartinên paşerojê yên serokatiyê de careke din bibe namzed.

Trump piştî ku şepqeyeke li ser navê "TRUMP 2028" da serê xwe, anî ziman ku wî sê caran di hilbijartinan de serkeftin bi dest xistiye û dê vê yekê careke din dubare bike.

Wî destnîşan kir ku niha ezmûneke mezin di meşandina kampanyayên serokatiyê de bi dest xistiye û bawer dike ku ev pêngava nû dê gelekî hêsan be.

Ev daxuyaniya Trump ya nû di qada siyaseta Amerîkayê de deng veda.

Nîqaşên destûrî û rewşa siyasî ya li DYAyê

Trump di berdewamiya axaftina xwe de îdîa kir ku hilbijartina wî ya duyem bi hîle û xapandinê bû, lewma ew dixwaze xebatên xwe yên ji bo serokatiyê berdewam bike.

Ev helwesta Trump di nava aloziyên hundirîn û yên derve yên wekî rewşa Tengava Hurmizê û aloziyên leşkerî de, dê nîqaşên li ser qanûna bingehîn û destûra DYAyê kûrtir bike. Şêwirmend û çavdêrên siyasî hewl didin bandora van daxuyaniyan li ser hevsengiyên siyasî bişopînin daku rê li ber tevlîheviyên nû yên li herêmê bê girtin.