Trump ji bo Îranê got: Yan aştî yan bombebaran

PeyamaKurd - Serokê Amerîkayê Donald Trump, derbarê danûstandinên aştiyê yên ligel Tehranê de daxuyaniyeke girîng belav kir. Trump li ser hesabê xwe yê Truth Social ragihand ku heke Îran mercên peymanê bipejirîne, dê operasyonên leşkerî rawestin, lê heke qebûl neke jî dê êrîşên pir dijwartir dest pê bikin.

Rêya Aştiyê û vekirina Hurmizê

Trump destnîşan kir ku heke Îran mercên li ser hatine nîqaşkirin qebûl bike, operasyona leşkerî ya bi navê Xezeba Destanî ku êdî bûye efsane, dê were rawestandin.

Di vê rewşê de, dorpêça deryayî ya li ser Îranê dê rabe û Tengava Hurmizê ji bo hemû welatan, di nav de ji bo Îranê jî ji bo trafîka deryayî were vekirin.

Trump ev yek wekî derfetek ji bo asayîbûna herêmê nîşan da.

Hişyariya bombebaranê

Serokê Amerîkayê li ser ‘heke Îran lihevkirinê qebûl neke’ jî wiha got: "Heke qebûl nekin, dê bombebaran dest pê bike."