Artêsa Yemenê: 37 Hûsiyên bi ser Îranê ve hatin kustin

PeyamaKurd - Artêşa Yemenê ragihand ku di encama şerê li 5 parêzgehan de, bêhtirî 37 çekdarên Hûsîyên bi ser Îranê ve hatine kuştin.

Artêşa Yemenê da xuyakirin, li eniyên şer ên li Me’rib, El-Dali’, Te’iz, Huce û El-Hudeyde, wan êrîşên Hûsiyan şikandin û zêdetirî 37 çekdarên wan hatin kuştin.

Hêjayî bibîrxistinê ye, 2 roj berê Erebistana Siûdî destpêşxeriyeke ragihandina agirbestê ji bo çareseriyeke giştî ji aloziya Yemenê re ragihandibû û gelek welatên herêmî û navdewletî, piştgiriya wê kiribûn, lê Hûsîyan agirbest û destpêşxeriya Siûdî red kiribû.

Li gorî destpêşxeriya Siûdî banga rawestandina bi temamî ya şer li seranserî Yemenê di bin çavdêriya NY de tê kirin.