Karwaneke din a alîkariyên serbazî digîhe destê Pêsmerge

PeyamaKurd – Hevpeymaniya Navdewletî ya li dijî DAIŞê da zanîn; heta niha 55 hezar Pêşmerge rahênana serbazî kirine û hêza Pêşmerge hêzeke bibandor e û ragihand: “Piştî çend rojan karwaneke din a alîkariya serbazî dê bigîhe destê hêzên Pêşmerge.”

Li gor Berdevkê Hevpeymaniya Navdewletî ya dijî DAIŞê Wayne Marotto li ser hesabê xwe yê Twitterê destnîşan kir; ji sala 2014an heta niha, Hevpeymaniya Navdewletî bi qasî 5 milyar dolar alîkariya hêzên Pêşmerge û û hêzên Iraqî kiriye, ku ji alîkariyên serbazî, çek û rahênana serbazî pêk tê.

Wayne Marotto destnîşan kiriye, di vê çarçoveyê de rahênana 55 hezar Pêşmerge û 185 hezar serbazên Iraqê kirine.

Herwiha Marotto nûçeyeke Fermandariya Navendî ya Artêşa Amerîkayê belav kiriye  û daye zanîn, piştî çend rojan qonaxeke din a alîkariyan ku ji sedan wesayîtên serbazî pêk tê, digîhin destê Pêşmerge û hêzên Iraqê. <

Since 2014 @CJTFOIR has funded $5 billion of support to equip, train and mentor over 240,000 ISF, including 55,000 Peshmerga. Both are effective combat forces and operate independently. #defeatDaesh https://t.co/J5urAyRtmu

— OIR Spokesman Col. Wayne Marotto (@OIRSpox) December 29, 2020