Li gundê Binevsa di yek sevekî de 300 mîh telef bûn

PeyamaKurd – Li bajarê Hakkariyê li gundê Binevşa (Aksu) di encama êrîşa guran de, mîh pê li hev kirin û di encamê de 300 mîh mirin. Sedema ku mîh pê li hev kirin, di encama şerê navbera gur û kûçikan (seh) bû ku mîh ketin panîkê. Ji bilî mihên mirî gelek ji wan jî birîndar bûn.

Gundê Binevşa ji Hakkariyê 90 km dûre û ji ber zozane di havînan de xelkê koçer ji Batmanê terş û tareşên xwe dibin wî zozanî û xwediyê navê terş Abdullah Erden e. Erden weha gotiye:

“Zerara me nêzî 2 milyon (74 hezar dolar) TL ye. Ji bo heywanên xwe biçêrînin tînin zozanên Hakkariyê. Min îsal jî keriyên xwe anî gundê Binevşa. Ez 4 mehe li vê derê me. Di wexta siba de guran li ber mihên me kemîn danîbûn. Dema seyên me guran dîtin dest bi şer kirin. Mihên me tirsiyan û ber bi jêr de reviyan. Em ketin pey guran. Dema ber bi jêr de çûn hev pelixandin. 300 heb di bin yên din de man û telef bûn. Gelek ji wan jî seqet man. Cara yekeme ku ew qas zerara me dibe. Temamê wan heywanên şîr bûn. Dixwazin rayedar zerara min bidin.”