Mazlûm Ebdî li Duhokê ye

PeyamaKurd - Fermandarê Giştî yê Hêzên Demokratîk ên Sûriyeyê (HSD) Mazlûm Ebdî dê beşdarî Foruma Aştî û Ewlehiyê ya Rojhilata Navîn (MEPS2025) bibe û di paneleke taybet de bersiva pirsan bide.

Fermandarê Giştî yê HSDê Mazlûm Ebdî roja Çarşemê, 19ê Mijdara 2025an, ji bo MEPS2025ê gihîşt Zanîngeha Amerîkî ya Kurdistanê li Duhokê.

Mazlûm Ebdî dê di çarçoveya Foruma MEPSê de bi Osman Baydemîr re beşdarî panelekê bibe.

Îlham Ehmed, Hev-Rêvebirê Ofîsa Karûbarên Derve ya Rêveberiya Xweser a Bakur û Rojhilatê Sûriyeyê, bi Mazlûm Ebdî re di serdana wî ya Herêma Kurdistanê û MEPS2025ê de ye.

Beriya forumê, Serokwezîr Mesrûr Barzanî li Zanîngeha Amerîkî ya Kurdistanê bi Mazlûm Ebdî re civiya.