Rêveberiya Xweser ji Herêma Kurdistanê re: Sînorên çêkirî nikarin me ji hev veqetînin

PeyamaKurd – Lijneya Perwerdehiyê ya Rêveberiya Xweser a Bakur û Rojhilatê Sûriyeyê biryara Wezareta Perwerdehiyê ya Herêma Kurdistanê ya veqetandina dersa yekem ji bo piştgiriya Rojava pêşwazî kir.

Di daxuyaniyekê de, Lijneya Perwerdehiyê piştgiriya xwe ji bo biryara Wezareta Perwerdehiyê ya Herêma Kurdistanê ya doh (Yekşem, 25ê Çileya 2026) ya veqetandina dersa yekem li hemû dibistanan ji bo piştgiriya Kurdên Rojava nîşan da.

Daxuyaniyê tekez kir, "Em careke din dibêjin ku çarenûsa me bi hev ve girêdayî ye û sînorên çêkirî qet nikarin me ji hev veqetînin."

Di derbarê rewşa perwerdehiyê ya li Rojava de, daxuyanî van tiştan dihewîne:

"Di demekê de ku dilê xwendekarên Herêma Kurdistanê ji bo me lêdide, dibistanên me bûne perestgeh. Diviyabû îro destpêka semestra duyemîn û zengila yekem be, lê ji ber pevçûn û êrîşên li Kobaniyê, pêvajoya perwerdehiyê hatiye rawestandin, dibistan veguheriye kampên penaberan û xwendekar ji perwerdehiyê bêpar mane."

Lijneya Perwerdehiyê daxuyaniya xwe bi spasiya gel û saziyên Herêma Kurdistanê bi dawî kir.

Wezareta Perwerdehiyê di 24ê Çile de ragihand ku wan biryar daye ku dersa yekem a 25ê Çile li hemû saziyên perwerdehiyê yên giştî û taybet ji bo piştgiriya Rojava were veqetandin.