Serok Barzanî: Em dixebitin ku ber li zerardayîna birayên me yên Rojava bigrin

PeyamaKurd – Serokê Kurdistanê Mesûd Barzanî li ser rûdanên Kurdistana Rojava daxwuyaniyekî da. Barzanî got ku ew qewimandinên li Kurdistana Rojava dişopînin û dewam kir:

“Ji bo birayên me yên li Kurdistana Rojava zerarê nebînin, ji destê me çi tê, em ber lê digrin. Di vê rewşa hassas de, divê herkes bi berpirsiyarî lê ne bi hissên xwe tevbigere û zerardayîna birayên me yên Rojava nayê qebûl kirin.

Di vê rewşa tevliheviyê de, tehdîda vejandina ji nûh de  ya terora DEAŞê heye û bo ewlehî û îstîqrara herêmê tehdîdekî ji dil e.”

Barzanî bang li civaka navdewletî û hevkaran kir ku berpirsiyariya xwe bicîh bînin û bo şer yekser raweste rola xwe bileyîzin. Barzanî got ku divê agirbes bi firehî bê ragihandin û pirsgirêk di rêya aştiyê û diyalogê de çareser bibin.