Serok Barzanî: Gelekî kêfxwesim ku doh li Cizîrê bûm, îro li Zaxo me

PeyamaKurd- Serok Mesûd Barzanî, îro 30yê Mijdarê beşdarî merasîma vekirina pêşangeha pirtûkan a Zaxoyê bû û gotarek pêşkeş kir. Serok Barzanî, hezkirina xwe ya ji xelkê bajar re nîşan da û keyfxweşiya xwe ya ji bo vê serdanê anî ziman.

Serok Barzanî got, peywendiyên bihêz ên wî û xelkê Zaxoyê heye û destnîşan kir: ‘’Hûn dil û ruhê min in.’’

Serok Barzanî behsa serdana xwe ya doh bo Bakurê Kurdistanê ya Cizîra Botan kir û wek danaberhev a herdu serdanan got: ‘’Ez gelek keyfxweşim ku doh ez li Cizîrê û îro jî ez li Zaxoyê me.’’

Axaftina Serok Barzanî ya di vekirina pêşengeha pirtûkan a Zaxoyê de:

“Bi navê xwedayê mezin û dilovan.

Spasiya xwedê dikim ji bo vê roja xweş a doh li Cizîrê û îro jî li Zaxoyê. Bi îzna xwedê her dê xêr û xweşiyê bide. Her keyfê bide. Ev pêşangeha navnetewî ya pirtûkan ku îro li Zaxoyê hatiye vekirin cîhê keyfxweşiyekî mezine. Înşala em her bibînin Zaxo cihê huner, çand û merdayetî û Kurdayetiyê û Pêşmergetiyê be. Zaxo Zaxo ye.

Destxweşiyê li we dikim û hêviya serkeftinê ji bo we dixwazim. Înşala ez her bibînim Zaxo di pêşketin û xweşiyê de be. Carekî min gote Zaxoyiyan hûn ruhê min in, careke din jî min got hûn her dilê min in jî ne tenê ruhê min. naha jî dibêjim hûn ruhê min û dilê min in. her serkeftî bin înşala gelek memnun.”