Serok Barzanî: Hunermend Enwer Sêxanî hunermendekî nistîmanperwer bû

PeyamaKurd – Serok Barzanî ji bo Hunermend Enwer Şêxanî ku îro koça dawiyê kiriye peyameke serxsaziyê belav kir û diyar kir ku Şêxanî hunermendekî niştîmanperwer bû.

Serok Barzanî di peyama xwe de got: “Bi mixabin mezin nûçeya koça dawiyê ya hunermendê niştimanperwer û naskirî yê bajarê Hewlêrê Enwer Şêxanî gihîşt me, jidestdana hunermendê xweşewîst ji her aliyekî re ziyaneke mezin e.”

Bi vê boneya xemnak, serxweşiyê li malbata xwedê jê razî Enwer Şêxanî û hemû rewşenbîr û hunermendên Kurdistanê dikim û xwe bi hevbeşê xema wan dizanim. Ji xwedêyê mezin daxwazkar im xwedêjêrazî bi bihuşta perîn de şand bike û sebr û aramiyê bi her kesî bibexşîne.”

Enwer Şêxanî nêzîkî 40 heta 50 salan xizmet ji şano, drama û sînemaya kurdî re xizmet dike. Şêxanî sala 1951ê ji dayîkbû û destpêka karê xwe yê hunerî sala 1970ê di gruba Pêşrew a ser bi sekreteriya Yekitiya Mamostayên Kurdistanê ve bû. Yekem şanoya wî binavê ‘Seretan’ ango ‘Penceşêr’ bû ku tê de beşdarî kir, lê ji bo tomara televîzyonê navê wê şanoyê hat guhertin û bû ‘Mareyî’

Piştî 5 sal li karê rêxistin bo PDKê di Newroza 1973yan de bi tometa siyasî hat girtin û li gel îşkence û gelek zihmetiyan reviya û peyvendî li gel binkeya hêza Deşta Hewlêrê pêkanî û geheşt Dêgele û dibe Pêşmerge.

Destpêkê li navçeya Qeladizê dimîne, piştî rêkeftina Cezayîrê diçe Îranê û sala 1976an wedigere Kurdistanê. Piştî wegeriya bi rêya helbijartinê dibe rêveberê hunera Komel û Huner û Wêjeya Kurd li malbenda giştî. Lê ji ber rêgirî û destverdanên Partiya Beis, nehiştin ew komele ji salekî zêdetir karên xwe berdewam bike.

Herwaha Enwer Şêxanî kar û çalakiyên xwe yên hunerî berdewam kir û damezrînerê Komeleya Hunermendên Kurdistanê / Hewlêrê ye jî.