Civaka Cihûyên Kurdistanê ji bo Rojava kampanya da destpêkirin

PeyamaKurd- Hate ragihandin ku Civaka Cihûyên Kurdistanê ya li Îsraîlê ji bo piştevanîya Rojavayê Kurdistanê kampanyaya alîkariyê da destpêkirin.

Di kampanyaya îmzeyan a ji bo hikûmet û parlamentoya Îsraîlê de, piştevaniya dîplomatîk ji bo parastina sivîlên li herêmê tê xwestin.

Serokê Civaka Yahudiyên Kurdistanê ya li Îsraîlê Yehuda Ben û çalakvanên civaka sivîl li ser platformên medya civakî dest bi kampanyayê kirin û xwestin ku dewleta Îsraîlê li hemberî êrîşên li dijî sivîlên li Rojavayê Kurdistanê helwestê nîşan bide.

Solidarity Demonstration in Daliyat al-Carmel Israel

A moving event of unity and mutual responsibility. Members of the Druze community, representatives of the Kurdish community in Israel, and delegates who arrived from Kurdistan stood together, conveying a clear message of… pic.twitter.com/PdDdlGYRXk

— Yehuda Ben Yosef (@yby4040) January 31, 2026

Kampanya li ser Change.orgê hatiye destpêkirin ku yek ji platformên herî mezin ên daxwaznameyan e li cîhanê û sedemên kampanyayê jî hatin eşkerekirin.

Di nivîsa daxwaznameyê de ku bi sernavê "Banga ji bo Dewleta Îsraîlê: Parastina Sivîlên li Rojavayê Kurdistanê Berpirsyariyeke Mirovî ye" hat belavkirin, hate gotin ku binesaziya sivîl, zarok û mirovên bêguneh li herêmê dibin armanc.

Civaka Cihûyên Kurdistanê ya li Îsraîlê destnîşan kir ku civaka navneteweyî li hemberî vê rewşê bêdeng maye û tekezî li ser mafê jiyana bi ewle û rûmet a gelê Kurd kir ku li dijî terorê bedelên giran dane.

Çar daxwazên sereke yên ji dewleta Îsraîlê wiha hatin rêzkirin:

 Bikaranîna kanalên dîplomatîk ên Îsraîlê ji bo parastina sivîlên li Rojavayê Kurdistanê.

Anîna rojevê ya binpêkirina mafên sivîlan li platformên cîhanî.

Piştgirîdayîna çalakiyên mirovî û hiqûqî yên ku armanca wan parastina nifûsa sivîl a li herêmê ye.

Nîşandana helwesteke zelal li dijî hedefgirtina sivîlan bi kiryarên terorîstî

Serokê Civaka Yahudiyên Kurdistanê ya li Îsraîlê Yehuda Ben Yosef li ser kampanyayê daxuyanî yek da û got ku însiyatîf li ser bingeheke mirovî û hiqûqî dimeşe, destnîşan kir ku kampanya banga tundiyê yan şer nake, berevajî vê yekê armanca wê parastina jiyana mirovan e.