Avûstûrya mizgefta Tirkan bo limêja cejnê vekir

PeyamaKurd- Dewleta Avûstûryayê çend roj berê, bi sedema xebatên siyasî yên neteweperest, derî li mizgefta Tirka girtibû. Niha bo cejna Remezanê û limêja Remezanê deriyê mizgeftê bo misilmanan vekir.

Di mizgeftê de limêja Remezanê hat kirin û misilmanên welat bo limêjê çûn mizgeftê. Mislimanên ku çûn mizgeftê alîkariya mizgeftê jî kirin.

Serokê weqfa mizgeftê Hacı Yağcı kêfxweşiya xwe anî ziman û weha got:

“Me bi cemaeta xwe re limêja cejnê eda kir. Şikir ji Xwedê re belgeya îznê heye û ewraqên ku Daîra Karên Olî xwestiye, me temam kir û şand Daîra Karên Olî. Bi belgeya ku were, wê mizgeft bi awayeka fermî ji aliyê hukumetê ve bê naskirin.”