Erdogan: Em dixwazin makezagoneke nû amade bikin!

PeyamaKurd- Serokomarê Tirkiyeyê Recep Tayip Erdogan, di merasima 155emîn Salvegera Encumena Dewletê ya ku li Hêwana Konferansê ya Şûraya Dewletê hat lidarxistin de axivî.

Recep Tayip Erdogan, di axaftina xwe de bal kişand ser daxwaza çêkirina makezagoneke nû û got ku

"Piştî hilbijartinan, em ê vê mijarê car din bînin rojeva miletê xwe û parlementoya xwe."

Erdogan diyar kir ku ew ê ligel qadên din xizmeteke girîng bidin dadrêsiyê û destûreke bingehîn a nû û sivîl bi dest bixin û wiha got: "Em dixwazin Tirkiyeyê bigihînin makezagoneke sivîl û azadîxwaz ku bi vîna neteweyî hatiye amadekirin.

Bidestxistina vê makezagonê, tê wê wateyê ku ewrên dawî yên li ser demokrasiya me belav dibin. Ev yek dê bibe yek ji armancên herî girîng ên vîzyona me ya sedsalê. 

Piştî hilbijartinan, em ê vê pirsê car din bînin rojeva gelê xwe û parlamentoya xwe. Di vî warî de em ji nûnerên xwe yên dadweriyê hêvî dikin."

Serokomarê Tirkiyeyê diyar kir ku ew bi xwe nîvê sedsala dawî ya du sedsalên demokrasiya Tirkiyeyê jiyan kiriye û wiha axaftina xwe bi vî awayî dewam kir:

"Bîranînên me yên ewil ên salên ku hişê me dest pê kir, dîmenên bi êş ên derbeya 1960î û encamên wê ne. Me salên xwe yên ciwaniya ewil bi nîqaşên li ser muxtirayê derbas kirin. Paşê me pêvajoya ku welat ji pevçûnên îdeolojîk derketî jiyan kir.”

Erdogan diyar kir ku ji şerê kolanan û kiryarên terorê re, ev pêvajo rastî lîstika amadekirina bingeha derbeya 12ê Îlonê bû û got,

"Em ji lixwemikûrhatina xwediyên projeyê hîn bûn. Salên 1980î yên ku hewil dihat dayîn siyaset xwe bi ser hev re bibe, serdema bêîstixrariya siyasî û aloziya civakî ya salên 1990î ew şopandin.”