Nêçîrvan Barzanî biryara diyarkirina roja hilbijartinê îmze kir

PeyamaKurd - Serokê Herêma Kurdistanê Nêçîrvan Barzanî, îro 24ê Sibata 2022yan biryara diyarkirina roja hilbijartinên Parlamentoya Kurdistanê îmze kir.

Hat ragihandin ku bi biryara Serokatiya Herêma Kurdistanê roja 1/10/2022 wek roja lidarxistina hilbijartinên Parlamentoya Kurdistanê hat diyarkirin.

Şêwirmendê Bilind ê Serokê Herêma Kurdistanê Dilşad Şehab ji medya Kurdistanê re eşkere kir; îro Nêçîrvan Barzanî biryara diyarkirina roja hilbijartinan a Parlamentoya Kurdistanê îmze kir û li gor biryarê roja 1ê Cotmeha 2022yan ji bo lidarxistina hilbijartinên gera şeşem a Parlamentoya Herêma Kurdistanê hat diyarkirin.