WHO: Li Sûriyê ji deh hezarî zêdetir kes bi kolerayê ketin

PeyamaKurd – Rêxistina Tenduristiyê ya Dinyayê (WHO=World Helath Organization) ragihand ku piştî li Sûriyê nexweşîna kolera destpêkiriye û heya niha, ji deh hezarî zêdetir kes bi kolerayê ketine. Rêvebirê giştî yê WHO yê Tedros Adhanom Ghebreyesus, li navenda rêxistinê li Cenevrê civîna çapemeniyê ya heftane çêkir û li ser nexweşîna kolerayê ya ku li Sûriyê û Haitiyê belav bûye agahiyan da.

Ghebreyesus, ragihand ku li seranserê Sûriyê di 6 hefteyên dawiyê de ji deh hezarî zêdetir nexweşîn hatiye dîtin. Ghebreyesus, got ku mirov dikare rê li ber mikroba kolerayê bi aşiyê û ava paqij bigre. Hetta gelek kes nikarin alavên berlêgirtina kolerayê bidest bixin. Rêvebir her weha bang li xwediyên hilberînerên aşiya kolerayê kir ku aşiya kolerayê zêdetir hilberînin û bi rêxistina WHO yê re bikevin nav pêwendiyan.

Wezareta tenduristiyê ya Sûriyê do ragihand ku li Sûriyê ji ber nexweşîna kolerayê 39 kes mirine.