پەیامی کورد   ...   ئەگەری هێرشی نزیکی ئەمریکا و ئیسرائیل بۆ سەر دامەزراوە ئەتۆمییەکانی ئێران 

کەناڵی ١٤ی ئیسرائیلی بە پشت بەستن بە میدیاكانی عیبری بڵاویکردەوە، ئەگەری هێرشی بەرفراوان و نزیک بۆ سەر دامەزراوە ئەتۆمییەکانی ئێران لەلایەن ئەمریکا، ئیسرائیل، یان بە هاوبەشی لەلایەن هەردوو ووڵاتەوە زۆر زیادی کردووە.

به پێی ئەم ڕاپۆرته ئامانجی ئەم ئۆپڕاسیۆنە تەنها لەناوبردنی تەواوی بەرنامەی ئەتۆمی کۆماری ئیسلامی نییه، بەڵکوو فەلەج كردنی توانای نیزامی سوپای پاسداران و لاوازکردنی بناغەکانی رێژیمی کۆماری ئیسلامییه که ڕەنگه به ​​داڕمانی كۆتایی بێت.

ئەو میدیایەی ئیسرائیل ڕایگەیاندووە، هەڕەشەکانی ئەم دواییەی دۆناڵد ترەمپ، سەرۆکی ئەمریکا لەگەڵ مەشقی چڕ و پڕی هێزی ئاسمانیی ئیسرائیل، نیشانەی ئاشکرای ئامادەیی بۆ ئەنجامدانی ئەم ئۆپراسیۆنە بێ وێنەیە لە دژی دامەزراوە ئەتۆمییەکانی ئێرانە. 

هەروەها هاتووە ئەگەر ئەم هێرشە ڕووبدات، چاوەڕوان دەکرێت کۆماری ئیسلامی بە هەڵدانی هەزاران مووشەکی بالیستیک و کروز و فڕۆکەی بێفڕۆکەوانی پێشکەوتووی جۆری شاهید ووڵام بداتەوە.