شەڕڤانان (٣٥) سەربازی تورکیا لەناوەندی عەفرین دەکوژن

دوای ئەوەی سوپای تورکیا کۆنترۆڵکردنەوەی ناوەندی شاری عەفرینی راگەیان، یەپەگە رایگەیاندووە، کە شەڕڤانان لەناو ئەو شارە (٣٥) سەربازی تورکیا و چەکدارە هاوپەیمانەکانی ئەو سوپایەیان کوشتووە.
ئاژانسە هەواڵییەکانی نزیك لە یەکینەکانی پاراستنی گەل یەپەگە بڵاویانكردووەتەوە، کە  ئەمڕۆ یەکشەممە لەچالاکییەکدا شەڕڤان توانیویانە، سوپای توركیا و چەتەكانیان كردە ئامانج، بەپێی ئامارە سەرەتاییەكان، لەو چالاکییەدا کە لەرێگەی تەقینەوەیەکەوە ئەنجامداروە، زیاتر لە (٣٥) چەتە و سەربازی توركیا كوژراون.
ئەوەش لەكاتێكدایە ئەمڕۆ یەکشەممە سوپای توركیا كۆنتڕۆڵكردنی شاری عەفرینی راگەیاند، راگەیەندراوەکانی نزیک لە یەپەگەش بڵاویانکردووەتەوە، کە عەفرین بە تەواوی كۆنترۆڵنەكراوە.