Pêleke nû ya şer li Pakistanê: 19 kes hatin kuştin

PeyamaKurd – Li eyaleta Xeyber Paxtûnwayê ya li bakur-rojavayê Pakistanê, di nava 48 saetên dawî de şerekî giran qewimî.

Li gorî daxuyaniyên fermî yên polîs û artêşa Pakistanê, di encama êrîşên komên çekdar de 15 polîs hatin kuştin û 4 sivîlan jî jiyana xwe ji dest daye.

Ev êrîş nîşana têkçûna agirbestê û zêdebûna çalakiyên koma TTP (Talîbanê Pakistanê) ne.

Artêşa Pakistanê di daxuyaniyekê de ragihand ku wan li hemberî van êrîşan 4 operasyonên taybet encam dane. Di van pevçûnan de 26 çekdarên TTPê hatine kuştin. Her wiha hat eşkerekirin ku çekdaran du efserên polîs revandine û heta niha çarenivîsa wan ne diyar e.

Ji sala 2021an ve, piştî ku Talîban Kabulê hat ser desthilatê, çalakiyên çekdarî li Pakistanê bi awayekî berbiçav zêde bûne.

Pakistan hikûmeta Talîbanê ya Afxanistanê tohmetbar dike ku "stargeheke ewle" ji bo çekdarên TTPyê peyda dike. Tevî ku Talîbanê Afxanistanê van îdiayan red dike, artêşa Pakistanê car bi car bi firokeyan û topbaranê li nava axa Afxanistanê dixe.