40 milyon bermîlên petrola Iraqê li Tengava Hurmuzê asê mane!

PeyamaKurd - Daneyên çavdêriya trafîka deryayî û raporên bazarê eşkere dikin ku di tankerên li rojavayê Tengava Hurmuzê de kombûnek mezin a petrola xav a Iraqê heye. Sedemên sereke yên ku têne gotin êrîşên li ser keştiyan û sînordarkirinên berdewam ên li ser derbasbûnê di vê rêya avê ya stratejîk de ne.

Îro, li gorî daneyên deryayî yên hevpar, bi qasî 163 milyon bermîlên petrola xav ên aîdî welatên Kendavê li rojavayê Tengava Hurmuzê asê mane. 43 milyon bermîlên vê mîqdarê bi tenê ji petrola Iraqê pêk tên.

Hêdîbûna veguhastinê û zêdebûna xetereyên ewlehiyê bûne sedem ku şîrketên barkêşiyê rêwîtiyên xwe kêm bikin an jî paş bixin.

Kombûna vê mîqdara petrolê ku nayê hinardekirin, zextek girîng li ser Iraqê dike. Li gorî raporan, welat di parastina hinardekirina petrolê de bi astengiyên cidî re rû bi rû ye.

Çavkaniya sereke ya vê xetereyê kapasîteya depokirina petrolê ya sînorkirî ya Iraqê û nebûna rêyên alternatîf ên berfireh ji bo hinardekirina petrolê li derveyî Kendavê ye.