Êrîşa çekdarî li Îsraîlê: 2 mirî, 7 birîndar

PeyamaKurd - Di êrîşeke çekdarî de li çar deverên cuda yên wargeha Kokhav Ya'ir li navenda Îsraîlê, du kes hatin kuştin û heft kes birîndar bûn.

Êrîşa çekdarî îro (Yekşem, 7ê Hezîrana 2026an) li çar xalên cuda yên wargeha Kokhav Ya'ir, nêzîkî sînorê Şerîaya Rojava, pêk hat.

Li gorî raporên medyaya Îsraîlê, polîsan diyar kir ku hejmareke mezin ji karmendên ewlehiyê li herêmê hatine bicihkirin û wesayîtek ku tê bawerkirin ku bi êrîşê ve girêdayî ye hatiye tespîtkirin.

Polîsan diyar kir ku êrîşkar ji aliyê hêzên ewlehiyê ve hatiye "bêbandorkirin". Lêbelê, di derbarê kuştina êrîşkar an jî binçavkirina wî de tu hûrgilî nehat dayîn.

Karmendên bijîşkî piştrast kirin ku du kes mirine û heft kes birîndar bûne û lêpirsîna bûyerê berdewam dike.