Mesrûr Barzanî êrîşa li Washingtonê şermezar kir

PeyamaKurd - Serokwezîr Mesrûr Barzanî peyamek weşand û hewldana êrîşa çekdarî ya li şîva Komeleya Peyamnêrên Qesra Spî li Washingtonê şermezar kir.

Serokwezîr Barzanî di daxuyaniyekê de ku roja Şemiyê 26ê Nîsana 2026an li ser hesabê xwe yê medyaya civakî hat weşandin, hewldana êrîşa çekdarî ya li şîva Komeleya Peyamnêrên Qesra Spî li Washingtonê şermezar kir.

Serokwezîr Barzanî piştî nûçeya êrîşê nîgeraniya xwe anî ziman û kêfxweşiya xwe anî ziman ku Serok Donald Trump û malbata wî, herwiha rayedarên hikûmetê û endamên çapemeniyê yên ku di bûyerê de amade bûn, bê zirar rizgar bûn.

Di peyama xwe de, Mesrûr Barzanî diyar kir ku li deverên ku demokrasî û azadiya derbirînê lê têne temsîlkirin, tundûtûjî nayê qebûlkirin û bi gotina "Tundûtûjî di jiyana giştî de cihê xwe nagire" bertek nîşanî êrîşê da.