Netanyahu: Hizbullahê agirbest binpê kir, me li navenda wan xist

PeyamaKurd - Serokwezîrê Îsraîlê Benjamin Netanyahu ragihand ku Hizbullahê agirbesta li Libnanê binpê kir û li hundirê Hêla Zer êrîşî leşkerên wan kir. Di vê êrîşê de 3 leşkerên Îsraîlê bi giranî birîndar bûn. Wekî bersiv, artêşa Îsraîlê navenda fermandariyê ya Hizbullahê ya ku fermana vê êrîşê dabû xist.

Di daxuyaniyê de hat eşkerekirin ku Hizbullahê di wê demê de sivîl wekî mertalên mirovî bikar anîne da ku Îsraîlê bi zanebûn bi hedefgirtina sivîlan tometbar bike; detayên van êrîşan ji bo raya giştî hatin eşkerekirin.

Pêngavên leşkerî û helwesta hikûmetê

Netanyahu tekez kir ku artêşa wan li gorî siyaseta rêveberiya siyasî kar dike û hemû gefên li ser hêz û welatiyên xwe hem li Libnanê û hem jî li Xezeyê ji holê radike.