Pasavanên Şoreşê: Tengava Hurmuzê careke din nabe wek berê

PeyamaKurd - Fermandariya Deryayî ya Sipaha Pasavanên Şoreşê ya Îranê diyar kir ku rewşa li Tengava Hurmuzê, nemaze ji bo DYA û Îsraîlê, careke din nabe wek berê.

Daxuyaniya Fermandariya Deryayî destnîşan kir ku qonaxa heyî guhertinek stratejîk di helwesta Îranê ya li hember hebûna DYA û Îsraîlê li Kendavê de pêwîst dike.

Daxuyaniyê zêde kir, "Tedbîr û kontrolên nû li Tengava Hurmuzê wê rê li ber hêzên dijmin bigirin ku wekî berê bi azadî tevbigerin."

Hat destnîşankirin ku Îran berdewam dike ku planên ji bo avakirina pergalek nû ji bo herikîna trafîkê li Kendava Farsê bi cîh bîne.

Her çend hûrgulî an bernameya pêkanîna vê pergalê nehatine dayîn jî, hat tekezkirin ku "amadekarî di asta leşkerî û lojîstîkî de bi lez û bez pêşve diçin."