Şanda Îmraliyê bertek nîşanî zanyariyên derbarê Ocalan de da: Pêvajoyê sabote dikin

PeyamaKurd - Şanda Îmraliyê ya DEM Partiyê derbarê "têbiniyên hevdîtinê" û "notên civînê" yên ku li ser medyaya civakî bi navê Abdullah Ocalan hatine belavkirin daxuyaniyek belav kir.

Şandê diyar kir ku ev metnên bêbingeh û guherandî bi mebesta bandorkirina ser raya giştî û provokasyonê hatine amadekirin û tekez kir ku helwestên bi vî rengî bi ti awayî nayên qebûlkirin.

Di daxuyaniyê de hat gotin ku hewldanên bi vî rengî rasterast ji bo sabotekirina Ocalan û qonaxa ku hatiye destpêkirin hatine kirin.

Şanda Îmraliyê banga hişyariyê li raya giştî kir û ragihand ku ji bilî zanyarî, belge û daxuyaniyên ku ji aliyê malbat, parêzer an jî rasterast ji aliyê Şanda Îmraliyê ve nehatibin parvekirin, divê bawerî bi ti nûçe û belgeyên din neyê anîn.

DEM Parti İmralı Heyeti'nin, Sayın Abdullah Öcalan’a atıfla “görüşme notu” ve “tutanak” adı altında bazı metinlerin dolaşıma sokulmasıyla ilgili açıklaması:https://t.co/bOJMtJvefJ pic.twitter.com/Sir88WjGaW

— DEM Parti (@DEMGenelMerkezi) August 23, 2026