Serfermandarên Urdin,Sûrîye,Iraq û Herêma Kurdistanê li Urdunê civiyan

PeyamaKurd - Li Urdunê, civîneke girîng a leşkerî bi beşdariya serfermandarên Urdun, Sûriye, Îraq û Wezîrê Karûbarên Pêşmergeyan ê Herêma Kurdistanê hat lidarxistin.

Di vê civînê de mijarên ewlehiya herêmî, parastina sînoran û rêbazên xurtkirina hevrêziyê ji bo rûbirûbûna hemû gef û metirsiyên ku sînoran derbas dikin, hatin nîqaşkirin û nirxandin.

Hêzên Urdunê di daxuyaniyeke fermî de diyar kir ku di civînê de gelek dosyayên krîtîk ên wekî ewlehiya herêmî û hevkariya leşkerî hatine gotûbêjkirin.

Hat destnîşankirin ku armanca sereke ya vê gavê bihêzkirina mekanîzmayên hevbeş e ji bo rûbirûbûna xeteriyên ser sînoran û avakirina aramiya giştî ya li herêmê.