Çavusoglu got, ‘Yûnan dixure!’, Yûnanistanê bersiv da…

PeyamaKurd – Berdevkê Hikûmeta Yûnanistanê Ioannis Oikonomou, bersiv da daxuyaniya Wezîrê Derve yê Tirkiyê Mevlut Çavuşoglu ku gotiye, ‘Yûnan hîn jî dixure û dixurîne’.

Çavuşoglu îro 12ê Îlonê li herêma Egeyê li ser îdiayên tacîzê yên Yûnanistanê li giravan gotibû: “Yûnan hîn jî dixure û dixurîne. Nebin alavê hinekên din.”

Berdevkê Hikûmeta Yûnanistanê bersiva Çavuşoglu da û got ku Tirkiye li ser derewan hewl dide rastiyekê ji xwe re ava bike û destnîşan kir: “Hikûmeta Yûnanistanê, li her cihê ku pêwîst bike, bersiva guncaw dide.”

Hêjayî bibîrxistinê ye, rayedarên Tirk berî niha ragihandibûn ku Yûnanistanê di meha Tebaxê de bi moşekên S-300 kilît avêtiye ser balafirên Tirk ên di firîna perwerdeyê de bûn. Herwiha hatibû diyarkirin ku polîsên peravê yên Yûnan keştiyeke Tirk jî gulebaran kirine.