BCFê alîkarî gihand bi hezaran malbatên mexdûrên lehiyê

PeyamaKurd- Piştî karesata lehiyê li navçeya Çemçemal, navçeyên Tekye û Şoreşê yên Germiyan a Silêmaniyê Dezgeha Xêrxwazî ​​ya Barzanî (BCF) bi hawara mexdûran ve gihîşt û alîkarî li wan belav kir.

Endamê desteya rêveber a Dezgeha Xêrxwazî ya Barzanî Îsmaîl Ebdulezîz ragihand: "Tîmên me di şeva karesata lehiyê ya li navçeya Çemçemalê de amade bûn û dest bi gihandina alîkarî û hevkariyê li wan cih û qadan kirin.

Li gorî rapora Dezgeha Xêrxwazî ya Barzanî, di sê rojên xebatê yên bênavber de (ji 10 heta 12/12/2025), ev alîkarî li mexdûr û qurbaniyan hatin belavkirin:

Sektora xwarin û kelûpelên malê:

Xwarinên amadekirî: 2800 danên xwarên li Çemçemalê, 900 li Tekyeyê û 400 li Kelarê hatin belavkirin.

Sepetên xorak û erzaq: 1000 sepet hatin dabîn kirin, ku ji bo her malbatekê 2 karton bû.

Setên Metbexê: Ji 500 malbatan re (1 ji bo her malbatekê) hat dabîn kirin.

Sektora cil û germkirinê:

Pakêta cilên zivistanê: 3000 karton, 4 karton ji bo her malbatekê.

Betanî: 3000 perçe, 5 perçe ji bo her malbatekê.

Doşek: 1600, 3 ji bo her malbatê.

Nefta spî ji bo şewitandinê: 25,000 lître hatine peyda kirin, 40 lître ji bo her malbatê.

Sobayên germkirinê: ji bo 500 malbatan (1 ji bo her malbatekê).

Sektora tenduristî û paqijiyê:

Pakêtên paqijiyê: 2000 pakêt, 2 ji bo her malbatekê.

Setên ava vexwarinê: 3000 set, 4 set ji bo her malbatê.

Tankerên ava vexwarinê yên ewle: 96.000 lître av hatiye dabîn kirin.

Paqijkirina malan: 320,000 lître av ji bo paqijkirina hundirê malan hatiye bikaranîn û nêzîkî 135 xanî ji bermahiyên lehiyê hatine paqij kirin.

Dezgayê Xêrxwazî ya Barzanî piştrast kir ku ew ê rewşê bişopînin û alîkariyê bigihînin malbatên ku ji lehiyê bandor bûne, heta ku rewşa jiyana wan vegere rewşa asayî.