"Herêma Kurdistanê di warê binesaziya dîjîtal de ji Iraqê pir pêşdetir e"

PeyamaKurd - Serokê Ofîsa Teknolojî û Agahdariyê Hiwa Efendi diyar kir ku di pêşerojê de, hemî danûstandin û xizmet wê li ser telefonên desta peyda bibin, ku ji welatiyan re gelek rehetiyan peyda dike.

Hiwa Efendi diyar kir, "E-Psule projeyek girîng a hikûmetê ye ku armanc dike ku hemî xizmetên giştî li yek cîhekî bike yek û wan veguherîne berîkên elektronîkî."

Wî rave kir ku di qonaxa yekem de, wan fatûreyên elektrîkê dîjîtal kirin ji ber ku welatî neçar in ku di rêzên dirêj de li bendê bimînin da ku drav bidin û zêde kir ku piraniya xizmetan wê di rojên pêş de di projeyê de cih bigirin.

Serokê Ofîsa Teknolojî û Agahdariyê diyar kir ku Herêma Kurdistanê di warê binesaziya dîjîtal de ji Iraqê pir pêşdetir e û got, "Em heta ji gelek welatên cîran jî pêşdetir in. Şîrketa ku pergala E-Psule li Herêma Kurdistanê dixebitîne li Urdunê jî dixebite. Ger em bi vî rengî berdewam bikin, em ê di salên pêş de di warê dîjîtal de hîn bêtir pêşve biçin."

Hîwa Efendî tekez kir ku di pêşerojê de, hemî danûstandin û xizmet wê li ser telefonên desta peyda bibin û ev yek gelek rehetiyan ji welatiyan re peyda dike.