Guterres: Ev erdhej, yek ji mezintirîn karesatên xwezayî ye

PeyamaKurd- Sekreterê Giştî yê Neteweyên Yekbûyî (NY) Antonio Guterres, li ser erdheja ku li Mereşa Bakurê Kurdistanê çêbû, daxuyanî da û got, "Ev erdhej yek ji mezintirîn karesatên xwezayî yên serdema me ye."

Piştî erdhejên ku bi lerza 7,7 û 7,6an ku di 6ê Sibatê de li Mereşê çêbû, bi giştî 10 bajar weran bûn û bandorên giran li herêmên Rojava û Suriyeyê kirin, kar û xebatên rizgariyê dewam dikin.

Sekreterê Giştî yê Neteweyên Yekbûyî Antonio Guterres diyar kir ku karwanê alîkariyê yê Neteweyên Yekbûyî ku ji 6 kamyonên paqijî û pêdiviyên din pêk tê, ji Deriyê Sînor ê Bab El-Hawa yê ku ji deriyên navneteweyî yên di navbera Suriye û Tirkiyeyê de vekirî ye re derbas bû û got,

"Ev erdheja herî mezin a karesata xwezayî ya dema me ye. Zêdetir alîkarî di rê de ye û hîn bêhtir hewce ne. Em dîmenên dilşikestî dibînin. Saet ji bo xilaskirina jiyanan bi lez dimeşe. Em şîna kesên jiyana xwe ji dest dane dikin. Bi hezaran avahî hilweşiyan, bi dehan, bi hezaran kes ji ber şert û mercên dijwar ên zivistanê bandor bûne. Dibistan û nexweşxane hilweşiyan. Zarok mezin, ew di nav travmayê de ne."