Li ber deriyê stadyumê îzdîham: 12 mirî, 80 birîndar

PeyamaKurd – Di merasîma vekirina "Lîstikên Girava Okyanûsa Hindistanê" ya li Madagaskarê de ji ber qelebalixê herî kêm 12 kes mirin û 80 kes jî birîndar bûn.

Li gorî nûçeyên çapemeniya herêmî, Serokwezîr Christian Ntsay ragihand ku di merasîma vekirina Lîstikên Girava Okyanûsa Hindî ya ku li paytext Antananarivoyê tê lidarxistin de ji ber qerebalixa girseya ku dixwest bikevin Stadyûma Barea de herî kêm 12 kes mirin û 80 kes jî birîndar bûn. .

Hat diyarkirin, nêzî 50 hezar kes ji bo temaşekirina çalakiyê di heman saetê de hewl dane bikevin stadyumê.

Werzişvanên ji welatên giravê Mauritius, Seychelles, Comoros Union, Mayotte, Reunion û Maldives beşdarî Lîstikên Girava Okyanûsa Hindî dibin, ya ku yekem di sala 1977-an de û paşê her 4 salan carekê hate lidarxistin.

Çalakiya ku pêşbirka pir şaxan e wê heta 3ê Îlonê berdewam bike.