باڵیۆزخانەی ڕووسیا لە واشینتۆن : شەڕ لە ئۆکراین نزیکە لە کۆتایی.

• باڵیۆزخانەی ڕووسیا لە واشینتۆن : شەڕ لە ئۆکراین نزیکە لە کۆتایی.

بەرپرسی کاروباری باڵیۆزخانەی ڕووسیا لە ئەمریکا، لە بەیاننامەیەکدا کە ئاماژەی بە گۆڕینی ڕوانگەی واشینتۆن کرد بۆ شەڕی ئۆکراین، ڕایگەیاند کە ململانێیەکان لە قۆناغی کۆتایی نزیک بووەتەوە.

بەگوێرەی ئاژانسی هەواڵی RIA Novosti، ئەندرێی لێدینۆڤ ڕایگەیاندووە کە ئیدارەی پێشووی ئەمریکا پشتیوانی لە هەوڵە بەکۆمەڵەکانی ڕۆژئاوا کردووە بۆ بەدیهێنانی خەونی ناڕاستەقینەی شکستی ستراتیژی ڕووسیا، ئاماژەی بەوەش کردووە: "ئەمە لە کاتێک دایە کە ئیدارەی ئێستای ئەمریکا ئەم بابەتەی نەخستووەتە بەرنامەی کارەکەیەوە".

هەروەها ئاماژەی بەوەدا کە واشینتۆن لە ئێستادا چالاکانە پشتگیری لە گفتوگۆ دەکات بۆ چارەسەرکردنی کێشەکانی ئۆکراین و ئاماژەی بەوەشکرد: دانووستانەکانی ئەم دوایی یە لە ژێنێڤ ئەمە پشتڕاست دەکەنەوە.

بەگوێرەی ئاژانسی هەواڵی RIA Novosti، جنێڤی پایتەختی سویسرا، لە ڕۆژانی 17-18ی شوبات (28-29ی شوبات) بە بەشداری شاندەکانی ڕووسیا، ئۆکراین و ئەمریکا، بۆ چارەسەرکردنی کێشەی ئۆکراین، میوانداری دانووستانەکانی کردووە.

دوای دانووستانەکان، ڤلادێمیر مێدینسکی سەرۆکی شاندی ڕووسیا ڕایگەیاند کە لە داهاتوویەکی نزیکدا خولێکی نوێی دانووستانەکان بەڕێوەدەچێت.

بەگوێرەی ڕاپۆرتێک ، دەزگای ڕاگەیاندنی ئەمریکی ئاکسیووس بە پشت بەستن بە دوو سەرچاوەی ئاگادار کە داوای کردووە ناویان ئاشکرا نەکرێت، لە ڕاپۆرتێکدا نووسیویەتی: دانووستانەکانی ڕۆژی سێشەممە (١٨ی شوبات)ی نێوان شاندەکانی ئۆکراین و ڕووسیا لە کەرتی سیاسیدا گەیشتووەتە بنبەست.

لە ڕاپۆرتەکەی ئاکسیووس دا هاتووە: دانووستانەکانی ڕۆژی سێشەممەی نێوان شاندی دانووستانکاری ئۆکراین و ڕووسیا بەهۆی ئەو هەڵوێستانەی کە لەلایەن ڤلادێمیر مێدینسکی سەرۆکی نوێی شاندی دانووستانکاری ڕووسیا پێشکەشی کردوون، گەیشتووەتە بنبەست.

بەگوێرەی ڕاپۆرتەکە، ڤۆلۆدیمیر زێلێنسکی سەرۆکی ئۆکراین پێشتر ڕایگەیاندبوو کە مێدینسکی هاوشێوەی ڤلادێمیر پووتین سەرۆکی ڕووسیا ئامادەیە باس لە ڕەگ و ڕیشەی مێژوویی شەڕەکە بکات، بەڵام ئۆکراینییەکان کاتیان بۆ ئەمە نییە، چوونکە پێویستیان بەوەیە بڕیارێک بدەن و کۆتایی بەم شەڕە بهێنن.

سەرچاوە هەواڵەکان پێشتر ڕایانگەیاندبوو کە یەکەم ڕۆژی دانووستانە داخراوەکانی نێوان شاندی ڕووسیا و ئۆکرانیا لە جنێڤ بە ناوبژیوانی ئەمریکا دوای چوار کاتژمێر و نیو دانووستان کۆتایی پێهاتووە.

کۆبوونەوەکە نزیکەی کاتژمێر ٣:٥٥ خولەکی پاشنیوەڕۆ دەستی پێکرد. (بەکاتی مۆسکۆ) ئێوارەی سێشەممە لە هۆتێل ئینتەرکۆنتینێنتاڵ و تا درەنگانی ئێوارە بەردەوام بوو.

هەروەها سەرچاوە هەواڵییەکانی ئۆکراین بە پشت بەستن بە سەرچاوەیەکی ئاگادار، ڕایانگەیاندووە کە ژێر گرووپە سیاسییەکانی شاندەکان زووتر لە نوێنەرانی سەربازی کۆتاییان بە دانووستانەکانیان هێناوە.

هەروەها نوێنەرانی ووڵاتانی بەریتانیا، فەرەنسا، ئاڵمانیا و ئیتاڵیا ئامادەی کۆبوونەوەکە بوون و لە نزیکەوە بەدواداچوونیان بۆ دانووستانەکان کرد.

جنێڤ ڕۆژی سێشەممە ١٨ی شوبات میوانداری خولی نوێی ڕاوێژکارییەکانی نێوان ڕووسیا، ئەمریکا و ئۆکراینی کرد؛ شاندەکەی ڕووسیا بە سەرۆکایەتی ڤلادێمیر مەدینسکی یاریدەدەری سەرۆکی ڕووسیا و نزیکەی ٢٠ ئەندامی دیکە لە نێویان دا ئیگۆر کۆستیۆکۆڤ، بەرپرسی بەشی هەواڵگری ئەرکانی گشتی هێزە چەکدارەکانی ڕووسیا و میخائیل گالوزین، جێگری وەزیری دەرەوەی ڕووسیا، بەشداری کۆبوونەوەی جنێڤیان کرد.

دیمیتری پێسکۆڤ ووتەبێژی کرێملین سەبارەت بەم خولەی دانوستانەکان جەختی لەوە کردبووەوە کە نابێت چاوەڕوانی هیچ هەواڵێک لەم ڕۆژەدا بکرێت دوای دەستپێکردنی دانوستانەکان؛ لایەنەکان لە ڕۆژی چوارشەممە ١٩ی شوبات بەردەوام دەبن لە کارەکانیان.

دوو خولی ئەم وتووێژانە پێشتر لە ئەبووزەبی پایتەختی ئیماراتی یەکگرتووی عەرەبی لە ٢٣ و ٢٤ی جانیوەری (٣ و ٤ی شوبات) و ٤ و ٥ی شوبات (١٥ و ١٦ی شوبات) بەڕێوەچوو.