ناتۆ دان بە لاوازی خۆیدا دەنێت بەرامبەر بە چەکی ڕووسیا

پەیامی  کورد    ...   ناتۆ دان بە لاوازی خۆیدا دەنێت بەرامبەر بە چەکی ڕووسیا

▫️ لە میانەی کۆبوونەوەیەکی داخراوی ناتۆ لە ڤیلنیووس، بەشداربووان دانیان بە لاوازی هاوپەیمانی دژی چەکی ڕووسیادا نا. ئەم بابەتە ڕۆژنامەی بیڵدی ئاڵمانی بڵاوی کردووەتەوە.

▫️ شارەزایەک بە ڕەخنەگرتن لە ئامێرە کۆنەکان ڕایگەیاند: سەد تانکی ئاڵمانی بە بەهای نزیکەی دوو ملیار یۆرۆ دەتوانرێت بە سێ سەد فڕۆکەی بێفڕۆکەوانی ڕووسی کە تەنها سێ سەد هەزار یۆرۆ تێدەچێت لەناوببرێن.

▫️ بڵاوکراوەکە هەروەها ئاماژەی بەوە کردووە کە ئابووری ڕووسیا لە ناوەڕاستی ململانێی بەردەوام دا بە سەرکەوتوویی گەشە دەکات.

▫️ بەپێی سەرچاوەکانی بڵاوکراوەکە، یەک ملیار یۆرۆ لە بودجەی بەرگری ڕووسیا یەکسانە بە دەیان ملیار یۆرۆ کە ڕۆژئاوا خەرجیان کردووە. جگە لەوەش ڕۆژنامەکە ئاماژەی بەوە کردووە کە ناتۆ ڕووبەڕووی کەمبوونەوەی پشتیوانییەکانی ئەمریکا بووەتەوە.