پەرلەمانی عێراق یاسای "سەربازی زۆرەملێ" دەخاتەوە بەرباس

پەیامی کورد   ...   پەرلەمانی عێراق یاسای "سەربازی زۆرەملێ" دەخاتەوە بەرباس

پەرلەمانی عێراق ئامادەکاری دەکات بۆ دووبارە خستنەڕووی پڕۆژەیاسای خزمەتی سەربازی زۆرەملێ، کە ئامانج لێی بەهێزکردنی دیسپلین و چەسپاندنی بەهاکانی هاووڵاتی بوونە لە ناو گەنجاندا.
پێشهاتە یاسایی یەکان :
سەفا جابری، ئەندامی کوتلەی سادقوون، ڕایگەیاندووە کە لیژنەیەک بۆ پێداچوونەوە بە یاساکانی پێشوو پێکهێندراوە و پێشبینی دەکرێت دوای هەموارکردنەوەی پەیڕەوی ناوخۆی پەرلەمان، ئەم یاسایە ببێتە یەکێک لە کارە لەپێشینەکان. لای خۆشیەوە عیماد یۆخەنا، پەرلەمانتار، ئاماژەی بەوە کردووە کە ئەم هەنگاوە پابەندییەکی دەستوورییە و دەبێتە هۆی کەم کردنەوەی خەرجییەکانی بوودجە بۆ دامەزراندنی خۆبەخشەکان.
ڕەهەندە سیاسی و کۆمەڵایەتییەکان:
• ڕێککەوتنی سیاسی : نوورا جەحیشی، پەرلەمانتاری هاوپەیمانی سەروەری، جەختی کردووەتەوە کە تێپەڕاندنی یاساکە پێویستی بە ڕێککەوتنی سیاسی هەیە و دەبێت ڕەچاوی بارودۆخی ئابووری گەنجان بکرێت.
• یەکڕیزی نیشتمانی : محەمەد هادی شەمەری، پەرلەمانتار، یاساکەی بە "زیندوو" وەسف کردووە و پێی وایە ئاوێتەکردنی گەنجانی پارێزگا جیاوازەکان یەکڕیزی نیشتمانی بەهێز دەکات.