Iraqê ji bo hinardeya Petrola Kurdistanê daxwaza civîna lezgîn kir
PeyamaKurd - Wezareta Petrolê ya Iraqê ragihand ku wan daxwaza civîneke lezgîn a bi aliyên pêywendîdar re kiriye, ji bo destpêkirina danûstandinên li ser hinartina Petrola Herêma Kurdistanê.
Di daxuyaniyê de hatiye diyarkirin ku ew kar ji bo bicihkirina bi awayekî rast ya sererastkirina bûdçeyê ku di 2yê Sibata 2025an de hatiye pesendkirin dikin, ji bo di zûtirîn demê de hinardeya petrolê bi rêya boriya Iraq-Tirkiyê dest pê bike.
Wezareta Petrola Iraqê da zanîn, “Hikûmetê gavên berbiçav û cidî avêtine ji bo ku baweriya baş bi danûstandinan nîşan bide û vegerandina hinartina petrolê bi rêya boriya Iraq-Tirkiyê re misoger bike.”
Ev nivîs 56 car hatiye xwendin.
