Bi navbeynkariya Amerîkayê hişyariya dawî ya pevguhertina girtiyan li Siwêdayê pêk hat

PeyamaKurd – Bi navbeynkariya rasterast a Dewletên Yekbûyî yên Amerîkayê, danûstandinên li ser pevguhertina dîlgirtiyan li parêzgeha Siwêdayê ya li başûrê Sûriyê gihîştin qonaxa dawî û her du aliyan ji bo temamkirina peymanê erêkirina xwe dan.

Li gorî agahiyên ku ji ofîsa Balyozê Amerîkî Tom Barrack hatine wergirtin, piştî ku Washingtonê hişyariya xwe ya dawî li ser vê mijarê nîşan da, hikûmeta demkî ya  Sûriyê û "Hêzên Parastina Neteweyî" yên li Siwêdayê li ser radestkirina girtiyan li hev kir.

Di çarçoveya vê lihevkirinê de, dê 61 sivîlên ji Siwêdayê yên ku ji havîna 2025an vir ve li Şamê girtî ne werin berdan û di berdêla wan de jî 30 girtiyên ser bi wezaretên navxwe û parastinê yên Sûriyê ku li Siwêdayê dîl hatibûn girtin werin radestkirin.

Ev pêngav wekî parçeyekî nexşerêya aştiyê ya bi piştgiriya Amerîka û Urdinê tê dîtin ku armanc jê kêmkirina rageşiya li başûrê welat û çareserkirina dozên mirovî yên piştî bûyerên Tîrmeha borî ye.