Eniyeke nû li dijî rejîma Îranê: Komên Belûç ên Sunnî bûn yek

PeyamaKurd – Di navbera komên Belûç ên Sunnî yên ku li dijî rejîma Îranê şer dikin de yekbûnek çêbûye.

Hat ragihandin ku komên çekdar ên Belûç ên Sunnî yên ku li herêma Sîstan-Belûçistan a başûrê rojhilatê Îranê tevdigerin biryar dane ku hêzên xwe di şerê li dijî rêveberiya Tehranê de bikin yek. Bi pêşengiya Ceyş el-Adl, rêxistina herî bi bandor a herêmê, herî kêm pênc komên Belûç di bin navê "Cebhet Mubarizin-i Mardumi" (Eniya Şervanên Gel) de bûne yek.

"Gelê Îranê bûye rehîneyê rejîmê"

Daxuyaniya hatiye weşandin îdia dike ku rêveberiya Îranê çavkaniyên gelê welêt ji bo "siyasetên mezhebî" bi kar tîne. Di daxuyaniyê de tê gotin ku civakên Belûç, Ereb, Kurd, Faris, Tirk, Tirkmen, Gîlak û Lur, û herwiha hemî komên olî û mezhebî "armancên cudakarî û neheqiyê" ne.

Hat tekezkirin ku ev damezrandina nû ne tenê wê parastina xwe bide pêş, lê di heman demê de wê çalakiyên siyasî, diyalog bi partiyên cûda re û xebata medyayê jî bidomîne.