Çîn ceze li ser şirketên Amerîkî ferz dike: 27 şîrket ketin lîsteyê

PeyamaKurd – Çînê ji ber zêdekirina baca gumrikê ya ku Amerîkayê li ser berhemên wê sepandibû, cezeyine nû li dijî şirketên Amerîkî ragihand. Di daxuyaniyekê ku ji teref Wezareta Bazirganiyê ya Çînê ve hat dayîn, hat diyarkirin ku bi tevahî 27 şîrketên DYAyê ketine bin kontrola îxracatê an jî lîsteyên qedexeyê.

Ji van 16 şirket ji ber ku berhemên ku hem ji bo armancên leşkerî û hem jî ji bo sivîl têne bikar anîn hildiberînin li lîsteya kontrolkirina hinardekirinê hatin zêdekirin; 11 şirket, ku nav wan de hilberînerên dron Skydio û BRINC Drones jî hene, ketine lîsteyê de ku weke “saziyên neewle” tên pênasekirin.

Hat diyarkirin ku ev şirket bi hinceta ku di warê teknolojiyê de bi Taywanê re hevkarî kirine û mafên serweriya Çînê binpê kirine, ketine lîsteyê.

Rayedarên Çînî diyar kirin ku ev pêngav ji bo parastina ewlehiya neteweyî û bicihanîna qedexeyên çekan ên navneteweyî ye.

Ev nivîs 40 car hatiye xwendin.