Fermandarê artêşa Îranê Selamî: “Em bo her cûre şerî amade ne”
PeyamaKurd – Fermandarê artêşa Îranê tumgeneral Huseyîn Selamî di derbarê Operasyona Sadiq Waat de axifî û got:
“Me rê hîn kiriye ku em dikarin çawa ji derheqê dijmin derên û dema em bi dijmin re rû bi rû bibin, em yek gavekî paşde navêjin. Tevî ku xwediyê her cûre sîstema bergiriya hewayî ne jî, qelsiya bergiriya Siyonîstan daniye ortê, bi sedan fuze gihane hedefa xwe, şerê îrada komara Îslamî û serdestiya wê destnîşan kir.”
Selamî got ku Îsraîl dixwaze nasname û şerefa gelên Îslamî ji ortê rake, tevî bombekirin û dorpêçê ya Xezayê, xelk bi bawerî, wêrekî li hemberê mirinê tevgeriyaye. Selamî weha dewam kir:
“Xelkê Yemen, Lubnan û Iraqê bi bawerî di cebheyan de şer kiriye, gelek ji rêzêye ku wendayî hebin lê tenê li pêşiya wan bijarteya wêrekiyê hebûye…DYA desteka bi temamî dide Îsraîlê lê xeyalên wê şikestine. Eger DYA yek rojekî destekê nede Îsraîlê, wê weka pelgên payîzê biweşe.”
Selamî gelek encaman xist aliyê serdestiya Îranê û weha dewam kir:
“Eger em qels bin, dijmin bo çi li Lubnane sekinî û li Xezayê agirbesê qebûl kir? Şiyanên Îranê gihan seha dijmin. Bo têkbirina rejîma Siyonîst, her alavên me hene. Em ji şer natirsin. Em wext bo şer amade ne.”
Ev nivîs 42 car hatiye xwendin.
