Wezîrê Îsraîlê Tirkiye wekî dijmin pênase kir û ji bo Sûriyê hişyarî da!
PeyamaKurd – Wezîrê Berevaniya Îsraîlê Yisrael Katz, li ser êrîşên şeva borî yên ser Sûriyê ragihand ku ew ji bo Tirkiyê hişyariyeke bo pêşerojê bû.
Katz, Tirkiye wekî hêzeke dijmin pênase kir û got, “Êrîşên me yên asmanî yên ser Sûriyê, ji bo pêşerojê hişyarek bûn. Ger rê bidin hêzên dijman bikevin Sûriyê û destûra ku berjewendiyên Îsraîlê bixin xeteriyê bidin wan, hûnê bedelên giran bidin.”
Herwiha Katz got ku êrîşên ser Hema û baregeha T4ê peyamên pir zelal in û ew dê ti carî nehêlin ewlehiya Îsraîlê bikeve xeterê.
Wezîrê Îsraîlî destnîşan kir ku dê Îsraîlê tim bi awayekî azad li ser Sûriyê bifire.
Ev nivîs 93 car hatiye xwendin.
